خذني معك

**Admin** الإثنين أغسطس 02, 2010 5:00 pm

خذني معك .. من وين ما رحت .. وياك
خذني بقلبك .. دام قلـــبي .. رهينـــــــك

صعبه ترى لو شفت .. وشلون ابسلاك
لو طفت هالعالم .. ترانــــي سجينــــــك

عذبتنــــي .. واشقيــــت روح ٍ تمنــــاك
لو ( الهــــــوى ) ينطق .. وربي يدينـك

مـات الغلا .. ينزف على درب ذكــراك
رغـم الجفا .. لا زال .. يرجي حنينـــك

بعـــدك حياتي .. كلها ضيق .. وارباك
الواقع .. اللي .. ما تمناه .. عينــــــك

كل المشاعر .. في غيابك .. تحـــراك
تصرخ عليك من الوله .. حيل .. وينك

مقدر على بـُـعدك .. حشى كيف فرقاك
هذي الحقيقة .. خلها .. في يقينــــــــك

ادري تساومني بروعـــة .. مزايــــاك
وتدري اضيع .. إليا بدالي .. جبينــــك

همك عذاب .. اللي نسى الناس .. لرضاك
وهمي اشوفك .. مهتني .. في سنينك

لو تطلب اسنين العمر .. من فدايـاك
سلمت لك عمري .. براحت .. يمينك

منك احتملت من الشقى فوق .. ماجاك
ذقت العناء والهم .. كـني .. حزينــــك

يكفي .. دخيلك ( حس ) باللي ترجاك
لا عاش منهو .. يا حبيبي .. يهينـــك

تعبت مالي .. بالهوى غير .. دنيــاك
مديت لك يمناي .. عطني .. يدينــــك

اعاهدك .. ببقى على الحب .. منساك
عهد ٍ قطعته .. بين قلبي .. و بينـــــــك