اسئلة بترفع الضغط

**Admin** السبت يونيو 05, 2010 1:29 pm

مستلقي بتختك ونايم والضو مطفي ومتغطي بالحرام
بيجي واحد من أخواتك بيفتح الباب وبيقول :شو نايم؟

لأ عم أرقص بس الوضع بيوحي إني نايم.

*معزوميين على بيت جماعة ولما بتدقوا الباب ...بيفتح شي فهمان
وبيقول بدهشة : هه إجيتوا؟

لأ لساتنا عالطريق.

*حاطط راسك ونازل دحي بهالكتب بيجي أبوك أو أمك :عم تدرس؟

لا والله عم غير زيت للسيارة.

*مذيعة بيوم العيد عم تلفلف بالشوارع على كم مواطن وتسأل وبنفس الوقت
هي بتجاوب :شو بتساوي أول يوم العيد؟ أكيد بتروح بتزور الأهل والقرايب!!

بروح عالسينما !!

*بتطلع بالميكرو وبتحط هيك وبتطلع (خمسة) وبتعطيها للي قدامك.
وبكل برودة بيقلك: واحد؟

لأ 60 ورجعلي الباقي.

*واحد فايت ع جماعة وشايف الوضع بالشارع معتم والمكتوب مبين من عنوانه
بيقلك: شو مقطوعة الكهرباء؟

لأ حبيبي بس هيئتك بدك تعمى!

*أشر بأصبعتو الكريمة لتكسي ،وفعلاً وقفّلو العينتين ..قام بيقلو فاضي ؟

لأ عندي 10 طلبيات ..بس وقفت حيونة.

*بدك تنزل من الميكرو :عاليمين زكاتك ...بتتلقى الرد: نازل؟

لا والله بس عم جرب صوتي.