طعن صمت الاوراق

**Admin** الإثنين أغسطس 02, 2010 4:23 pm

أكذب عليك أن قلت ماني بمشتاق
وأكذب عليك أن قلت حبك نسيته

خل الكلام اللي طعن صمت الأوراق
يحكي لك اللي ما نطقته وحكيته

ناظر عيوني شوف تأثير الأشواق
شوف الفرح وشلون بعدك جفيته

كتفي يشيل من الزمن فوق ما طاق
والضيق يرضى بي وأنا ما رضيته

إلى متى وأنا أنتظر لحظه اشراق
إلى متى والحزن هالقلب بيته

إلى متى والهم ينحت بالأعماق
وأسقيه من فراقك دمع بكيته

يا صاحبي شف خاطري ما بعد راق
بنفس الطريق اللي انتهى وأبتديته

ضاق الزمان وكل شي بعدك ضاق
حتى القصيد اللي بصدري أحتويته

عمر الشعر ما ضيق صدور الأوراق
الضيق ضيقي لا كتبت وقريته

تعبت أجمع ما بقالي ما بقالي من أشواق
وأقول ليت الوقت يفهم ياليته

يا قو قلبك وأنت محرقني أحراق
أرفق بحال اللي ذكرك ونسيته

تدري عزاي ان حدك القلب تشتاق
دور علي بكل درب مشيته

يمكن تلاقي درب بدروب الفراق
يجوز ربي كاتبه وأهتديته

ومدام ربي في يده قسمة الأرزاق
أنا أقتنعت بما كتبته ورضيته